අවුරුදු 12 දක්වා දරුවන්ට වඩාත් සුදුසු පෙති ද ? සිරප් ද?

අමන්දා ෆාමසියට ඇතුළු වෙද්දීම දැක්කේ දැකලා පුරුදු ඇස් දෙකක්. මේ මාස්ක් පළඳනාව නිසා මිනිස්සු හඳුනන්නත් අමාරුයිනේ. ඒත් පුරුදු ඇස්වලින් ටික වෙලාවකින් ඇය තම මිතුරියව හඳුනාගත්තා.

“ආ අමන්දා, කොහොමද? මොකද මේ මූණත් එක්ක මැලවිලා?”

“අනේ සචී, මම ඔයා කතා කරන කල් දැක්කෙත් නැහැ.”

“කොහෙ දකින්නද, මුළු ලෝකෙම ඔයාගේ ඔළුව උඩ වගේනේ හිටියේ. ඇයි මේ දුකෙන්?”

“අනේ දෙවෙනි පුතාට ඊයේ රෑ ඉඳන් උණ, බෙහෙත් වගයක් ගන්න ආවා.”

“හ්ම්… මේ දවස්වල උණක් හැදෙනවා කියද්දී අම්මලාගේ හිතට දැනෙන බය ගැන අමුතුවෙන් කියන්න ඕනේ නැහැ තමයි. ඩෙංගු, කොවිඩ්, වෛරස් උණ කීයක් නම් ලෙඩද?”

“ඔය කොයි ලෙඩෙත් පෙන්වන්නේ උණත් එක්කමනේ. උණ එක දිගට එද්දී මට නම් බයේ බැහැ, නින්දක් අහලකට එන්නේ නැහැ.”

“දරුවෝ වෙනුවෙන් අම්මලාගේ හිතේ තියෙන ආදරය, වගකීම, බය කියන හැඟීම්වලට සීමාවක් තියාගන්න අමාරුයිනේ. ඉතින් මොකක්ද ඩොක්ටර් කිව්වේ?”

“බෙහෙත් දුන්නා, උණට ඉතින් පැරසිටමෝල් තමයි දෙන්න කිව්වේ.”

“පුතාට අවුරුදු හයක් නේද? පෙති දෙන්න බැරිද?”

“අපෝ නැහැ, සාමාන්‍යයෙන් මාස 3 ඉඳන් වයස අවුරුදු 12 වෙනකල් දරුවන්ට පැරසිටමෝල් සිරප් දෙන එක තමයි වඩාත් සුදුසු කියලා ඩොක්ටර් කියන්නේ. ඒකට හේතුව තමයි දරුවගේ බරට ගැලපෙන්න පැරසිටමෝල් දෙන්න පුළුවන් හොඳම ක්‍රමය සිරප් විදිහට දෙන එකලු. පෙතිවලින් කොහොමද හරිම මාත්‍රාව දෙන්නේ? පෙති කොටස් කරලා හරි කුඩු කරලා හරි ගත්තට නිවැරදිවම මාත්‍රාව මැනගන්න අමාරුයිනේ. අනික නියමිත මාත්‍රාවට වඩා පැරසිටමෝල් වුණත් දුන්නොත් පස්සේ කාලෙ විවිධ සෞඛ්‍යමය ගැටලු ඇතිවෙන්න පුළුවන් වගේම අඩු මාත්‍රාවක් දුන්නොත් දරුවාට සහනයක් ලැබෙන්නෙත් නැහැනේ. අනික සිරප් බෝතලයේ අසුරණයේ දරුවගේ බරට ගැලපෙන නියමිත මාත්‍රාව සටහන් කරලා තියෙන නිසාත්, නිවැරදිව මාත්‍රාව මැනගන්න කප් එකක් තියෙන නිසාත් බය නැතිව අවශ්‍ය පැරසිටමෝල් ප්‍රමාණය දරුවට දෙන්න පුළුවන්.”

“ඒකත් ඇත්ත තමයි. පැරසිටමෝල් දෙනකොට දරුවගේ බරට වෛද්‍යවරයා කියන ප්‍රමාණය නියමිත කාල සීමාව අනුව දෙන්න ඕනේ. මගේ යාළුවෙක්ගේ දුවෙක්ට පැය හය යන්න කලින්ම පැරසිටමෝල් දීලා අවසානයේ දරුවව හොස්පිටල් ගෙනිච්චේ අධි මාත්‍රාවක් ශරීරයට ඇතුළු වුණා කියලා.”

“අයියෝ! ඒකනේ, බෙහෙත් එක්ක සෙල්ලම් කරන්න නරකයි. අවුරුදු 8, 9 වගේ වයස්වල දරුවන්ටත් අම්මලා පෙති දෙන්නේ එයාලට පෙති බොන්න පුළුවන් කියලනේ. ඒත් අවුරුදු 12 වෙනකල් බරට හරියන්න පැරසිටමෝල් දෙන්න නම් සිරප්ම තමයි දෙන්න ඕනේ. අපේ ගෙදරත් ලොක්කට අවුරුදු 11ක්, මම නම් දෙන්නෙම සිරප්.”

“ඔව් නේද? පොඩ්ඩොන්ට පෙති දුන්නම හිර වෙන්නත් පුළුවන්. අනික කුඩු කරලා පොවද්දී තිත්ත නිසා වමනය දාලා අවශ්‍ය ප්‍රමාණය පෙවෙන්නෙත් නැහැනේ, අසනීප දරුවගේ අමාරුව තවත් වැඩි වෙනවා විතරයි.”

“පැරසිටමෝල් අඩංගු ළමා පැනඩෝල් තමයි මම නම් දරුවට දෙන්නේ. මාස 3 ඉඳන් අවුරුදු 12 වෙනකල් දරුවන්ට ළමා පැනඩෝල් සිරප් එක බය නැතිව දෙන්න පුළුවන්. විනාඩි 15 ඇතුළත දරුවාගේ වේදනාව, උණ නැති කරන්න පුළුවන් නිසා ඇත්තටම අම්මලාගේ හිතට ඒක සහනයක්.”

“ඒක නම් ඇත්ත. කොයි අම්මත් බලන්නේ තමන්ගේ දරුවට සහනයක් සලසන්නනේ. ළමා පැනඩෝල් සිරප් එක රාස්ප්බෙරි රස නිසා කිසි කරදරයක් නැතිව දරුවාට පොවා ගන්නත් පුළුවන් නේද?”

“ඔව්, මාත් දන්න විදිහට ළමා පැනඩෝල් සිරප්වල සීනි සහ මධ්‍යසාර මිශ්‍ර කරන්නේ නැහැ, පොඩ්ඩන්ගේ බණ්ඩියටත් ඒ නිසා කිසිම හානියක් නැහැ. ළමා පැනඩෝල් සිරප් කියන්නේ ඉතින් ලංකාවේ මිනිස්සුන්ගේ විශ්වාසය උපරිමයෙන් දිනාගත්ත වෙළඳ නාමයනේ. එදා අපිට, අද අපේ දරුවන්ටත්, ඉස්සරහට අපේ දරුවන්ගේ දරුවන්ටත් බය නැතුව විශ්වාසයෙන් ළමා පැනඩෝල් සිරප් දෙන්න පුළුවන්.”

“ආ… ගාණෙත් ලොකු වෙනසක් වෙලා නැහැ නේද? අද රටේ හැම දේකම මිල ගණන් අහස උසට නැග්ගට තාම අපේ අතේ ගාණට ඕනෑම වෙළෙඳසැලකින් ළමා පැනඩෝල් සිරප් ගන්න පුළුවන්.”

“හ්ම්… පැරසිටමෝල් කතාව ගිය දුරක්! එහෙනම් සචී, මම යන්නම්.”

“හරි අමා, එහෙනම් පොඩ්ඩට ඉක්මනින් සනීප වේවා කියලා මම හිතන්නම්කෝ…”

TAGS: